lanog

GINAGMAY’NG KATEKISIS

245. Unsa man ang Doctrina Catolica?

Ang doctrina Catolica mao ang pagpadayag sa kamatuoran ni Cristo, nga gitanyag sa atong salabutan (unsa sila), ngadto sa atong kabubut-on (unsay buhaton sumala nila), ug sa atong kasingkasing (unsaon paghigugma ug pagsimba).

Ang kamatuoran nga gitugyan kanato ni Cristo usa ka gasa ug usa ka tahas.

Gasa – kay makahatag kinabuhi ug makaluwas
“Kun ang Anak moluwas kaninyo, maluwas gayud kamo” (jn 8:36)

Tahas – (1) pagtino sa kamatuoran
Makat-on kita sa pag-ila sa “espiritu sa kamatuoran ug sa espiritu sa ilad” (1 Jn 4:6).

Tahas – (2) pagpadayag niini uban sa kaisug
Kinahanglan atong “ibutyag ang kamatuoran uban sa gugma ug motubo ngadto sa hingpit nga pagkahingkud diha ni Cristo, atong Ulo” (Ep 4:15).

Kamatuoran – maoy pasikaran sa atong mga batasan ug pag-ampo/pagsimba

Batasan – masayud kita nga anaa kita sa kamatuoran kun tumanon nato ang mga sugo sa Dios
“ Ang Iyang sugo mao kini: nga motuo kita sa ngalan ni JesuCristo, Iyang Anak, ug nga mahigugmaay kita sa usag usa sumala sa iyang gimando kanato” ( 1 Jn 3:23)
“Ang pagtuo nga walay buhat patay sa hingpit” (Santiago 2:17).

Pagsimba – kinahanglan “magsimba kita sa Espiritu sa kamatuoran” (Jn 4:24)
Ang tinuod nga pagsimba mahalad lamang pinaagi ni Cristo, sanglit “walay nakakita sa Dios. Ang Anak ra sa Dios….. mao ang nagbutyag Kaniya” (Jn 1:18).

246. Unsa ang mga panukarang Doctrina Catolica?

Kini nasumada diha sa Credo nga nagpaila sa Dios isip
• Amahan nga Magbubuhat, kinsa nagpadala sa Iyang
• Anak nga Manluluwas, ug sa
• Espiritu Santo nga Maglalamdag

Credo – gikan sa pulong Latin nga nagkahulogag “Nagatuo ako”, diin gibatbat ang panukarang mga pagtulon-an sa Pagtuong Cristiano.

Duha ka nag-unang mga Credo: Apostles’ Credd ug Nicene Creed

Apostles’ Creed – gigamit sa mga Misa sa Domingo dinhi sa Pilipinas, nga pinahaum sa “Roman Creed” sa siglo 3