lanog

APPEAL FOR DONATIONS & OFFERING FOR FIESTA

Atong nang gisugdan ang nobena ni Maria, Birhen sa Guadalupe agi ug pagpangandam sa umaabot nga pangilin sa atong mahal nga patron sa atong parokya. Kining tanan gihimo aron sa pagpakita sa atong dako uyamot nga pagmahal ug pagyukbo sa atong mahal nga patron kinsa nagapadayon sa pag-giya ug pagtabang kanato sa pagtahud sa atong pangaliyupo ngadto sa atong Labaw’ng Makakagahum. Sanglit daghan man ang mga kagastuhan sa pagpahiluna sa mga kalihukan sa atong kasaulogan, mohangyo ako sa inyong malumo nga kasingkasing sa pagpaambit sa inyong grasya dinhi sa atong simbahan. Ang akong panalangin maga-uban kanunay kaninyo, sa inyong pamilya, sa inyong trabaho ug patigayon. Daghan kaayong salamat sa inyong way-puas nga suporta sa atong simbahan.

2nd Collection

Ang atong parokya nagahimo niining 2nd collection sa tanang Misa sa
Domingo aron aduna kitay igong pundo para sa on-going projects sa atong Simbahan ug kombento. Nakita nato nga nagakinahanglan ug pagpadako ug paghuman sa proyekto sa atong simbahan. Manghinaut ko nga ato kining buligan kining mga naasoy nga proyekto sa atong parokya pinaagi sa inyong makanunayong pagka-manggihatagon. Nasayod ako nga ang atong Mahigugmaong Amahan mohatag ug mobalos sa iyang mga grasya kanato, uban sa pangaliya sa atong Mahal nga Patron, Birhen sa Guadalupe!