lanog

MGA BOLUNTARYO ALANG SA ELECTION 2010

Ang Parish Pastoral Council for Responsible Voting (PPCRV) naga-awhag sa matag parokya nga mangita ug mga boluntaryo alang sa umaabot nga Election 2010.

Alang niini, gihangyo na sa Padre Kura ang tinugyanan sa Youth sa atong Parokya nga mopahigayon sa pag-recruit og mga boluntaryo. Ang “minimn” nga gikinahanglan sa atong parokya (alang sa mga presinto sa Booy 20 lamang ka boluntaryo, apan mas maayo kon makakuha kitag mas daghan pa niana aron aduna kitay mga reserba nga boluntaryo. Daghang salamat!

Ulohan 11
Si Cristo Namatay

Sa No. 597 sa atong Katesismo, giingon nga

Taliwala sa “Maayong Balita” anaa ang Krus sa Kaluwasan ni Cristo. Ang Krus mao ang timaan sa Paskohanong Misteryo ni Cristo (pagpakamatay aron mobangon sa bag-ong kinabuhi).

Unya gisulat usab diha ang teksto gikan sa Ebanghelyo ni San Lukas (Lk 9:23-24)

“Kinsa kadtong buot mosunod kanako kinahanglan magdumili sa iyang kaugalingon, magpas-an sa iyang krus adlaw nga tanan ug mosunod kanko. Kay ang magluwas sa iyang kinabuhi mawad-an hinuon niini, pan ang dili mahinugon sa iyang kinabuhi, makakaplag niini”.

Busa, giingon sa maong teksto nga ang Krus dili lamang sentro sa “Maayong Balita”, kon dili usa ka kahimtang nga angayan usab natong atubangon. Mao nga atong hisgotan karon ang Krus sa Kaluwasan ni Cristo.

Importante kaayo ang pagtan-aw sa kasakit ug kamatayon ni Cristo, tungod ka yang kasakit ug ang kamatayon maoy duha ka kamatuoran nga dili gayod nato kalikayan. Wa tingali tawo nga makaingon nga wa siya makasinati og mga kasakit, ug sayod kitang tanan nga ang kamatayon moabot sa matag usa kanato. Busa, atong tan-awon kon makatabang ba si Cristo kanato sa pagdawat ug pagsabot niining mga butanga.

Kitang mga Pilipino suweto na kaayo sa kasakit ug kamatayon ni Cristo. Ang ilhanan niini mao ang atong debosyon ngadto kang Jesus Nazareno ug sa Santo Entierro nga makita panahon sa Kwaresma ug Semana Santa ilabi na sa Viernes Santo.
• Adunay mag Estasyon sa Krus, mga flagellantes, awiton ang Pasyon sa tibuok Semana Santa, ug idrama ang Cenaculo.
• Ang Kwaresma ug Semana Santa mao usab ang panahon diin sagad himuon sa mga Pilipino ang tinuig nga mga Retreats ug Recollections.

Busa, tataw kaayo nga ang Jesus Nazareno ug Santo Entierro makatandog gayud pag-ayo sa kasingkasing nga Pilipinhon. Apan ngao man kaha?
• Kini tungod kay makita nato diha si Jesus nga nakighiusa kanato sa atong kakabus, sa atong mga kasakitan ug pagka-dinaugdaug.
• Dugang pa niana, sayod kita sa atong pagka-makasasala. Ug diha sa Jesus Nazareno ug Santo Entierro, makita nato si Cristo nga mitunol kanato sa iyang pagpasaylo ug makaluwas nga pag-ayo sa atong mga kahuyang ug mga kakulangan.

Apan makapa-subo nga kining kainit sa debosyon ngadto kang Cristong Ng-antus usahay motipas ngadto sa pagtuo-tuo o “superstition”.
• Mao nga ang PCP II miingon, “Kinahanglan magbaton kitag kaisug sa pagtul-id niini aron dili mapunta sa gibutaang pagsunod (fanaticismo) o magpabilin ba hinuon ang binatang pagtuosa atong mga tawo” (PCP II 175; cf. 12).

Kon mangutana ta kon unsa may pagsabot sa mga Pilipino mahitungod sa kasakit ug kamatayon, molutaw an duha ka nagkasumpaki nga hunahuna.
• Ang usa ka hunahuna, nga gihupta sa daghang mga beato, nag-ingon nga ang kasakitan kinahanglang tinguhaon. Mao kini ang gihunahuna sa mga “flaggelantes” ug niadtong magpalansang sa krus. Matod pa nila, atong makab-ot ang kaluwasan kon pangitaon nato ang kasakit ug kamatayon.
• Ang ikaduhang hunahuna, nga gihuptan sa kasagaran nato nga mga kalibutanon, nag-ingon nga ang mga kalisdanan kinahanglang likayan sa tanang paagi.
• Atong ipasabot karong taod-taod nga kining duruba ka hunahuna pulos halayo kaayo sa tinuod nga Kristohanong panabot sa kasakitan ug kamatayon.
• Busa, labi pang mahinungdanon ang pag-ugmad og tukma, takdo ug lawom nga panabot mahitungod sa kasakit ug kamatayon ni JesuCristo.

Sa ordinaryo nga pagsabot, ang Kasakit ug Kamatayon kanunay gayod nga isipon nga dautang mga kasinatian.
• Apan gipakita sa Balaang Kasulatan nga ang Kasakit ug Kamatayon ni Cristo dili dautan, kon dili mga kasinatian nga mapuslanon o “positive”, tungod kay pinaagi niini gihatag kanato ang makaluwas nga gugma sa Dios diha ni Cristo Jesus.
• Sa kalibutanong panglantaw, tinuod nga ang Krus mao ang labing sakit ug labing kubos nga matang sa kamatayon. Apan alang kanatong mga Cristiano, ang Krus ni Cristo mao ang timaan sa kaluwasan.
• Maoy hinungdan nga diha sa Bunyag kita gitiman-an sa Timaan sa Krus. Sa tibuok natong kinabuhi kita gipanalanginan niining maong timaan, ug pinaagi niini lita nagtimaan sa atong kaugalingon kun kita mag-ampo.

Busa, si San Pablo misulat ngadto sa mga taga Corinto sa pag-ingon: “Nagpadayag kami kang Cristo nga gilansang sa Krus, usa ka kapangdulan sa mga Hudiyo ug kalibugan sa mga Hentil… apan alang niadtong mga tinawag, mga Hudiyo ug mga Hentil ba ,si Cristo mao ang gahum sa Dios ug ang kaalam sa Dios” ( 1 Cor 1:23f).

Apan ang Krus dili lang timaan sa makaluwas nga gahum ni Cristo, kondili timaan usab sa atong kaugalingong tahas isip mga sumusunod ni Cristo.
• Sa Ebanghelyo, si Cristo naghatag og usa ka dakung “Tanghaga” sa dihang iyang giingon: “Kay ang buot moluwas sa iyang kaugalingong kinabuhi mawad-an hinuon niii; apan kadtong maghalad sa iyang kinabuhi alang kanako ug sa Maayong Balita, dili mawad-an niini” (Mk 8:35; cf. Mt 10:39; Lk 9:24; Jn 12:25; PCP II 86).
• Masabtan nato kining maong “Tanghaga” pinaagi lamang sa pagtan-an kon unsay nahitabo kang Jesus didto sa Krus.
• Busa, ang atong tahas mao ang pagsundog ni Cristo diha sa paghalad sa Iyang kinabuhi, aron sam nga Siya nabanhaw, makabaton usab kita sa kinabuhing way katapusan.

Busa, ang Krus timaan sa kaluwasan, apan sa laing bahin pahinumdom usab kini kon unsay angay natong buhaton.